News Georgia-ն, վկայակոչելով թուրքական Akşam թերթը, հայտնում է, որ Թուրքիայի ու Վրաստանի միջև նոր անցագրային ռեժիմի ուժի մեջ մտնելուց հետո Թուրքիայի սահմանամերձ շրջանների բնակիչները դարձել են Բաթում քաղաքի խաղատների մշտական այցելուներ, ուր նրանք «թողնում» են ոչ քիչ գումար:
Անցագրային նոր ռեժիմն ուժի մեջ է մտել 2011 թվականի դեկտեմբերի 1-ից: Այդ պահից սկսած՝ Վրաստան է այցելել Թուրքիայի 150,000 քաղաքացի: Նոր ռեժիմի համաձայն՝ Թուրքիայի քաղաքացիները կարող են սահմանը հատել առանց անձնագրերի՝ ներկայացնելով միայն ինքնությունը հաստատող փաստաթուղթ (ID քարտ):
Նոր անցագրային ռեժիմը մեծ աշխուժություն առաջացրեց Վրաստանին սահմանամերձ թուրքական շրջաններում, որի հազարավոր բնակիչներ երբևէ չէին եղել խաղատներում: Արդյունքում, նրանք սկսեցին այցելել բաթումյան խաղատներ և այնտեղ «թողնել» միլիոններ:
Նշվում է, որ ներկայումս Բաթումի խաղատների հաճախորդների 80 տոկոսը թուրքեր են: Տեղական իշխանությունները դիմել են վերին ատյաններին՝ խնդրելով վերականգնել նախկին ռեժիմը:
