Պոլ Գոգենի «Նատյուրմորտ լ’Էքսպերանսի մասին» կտավը, որը հեղինակը նվիրել է Վինսենթ Վան Գոգի հիշատակին, գնահատվել է 10 մլն ֆունտ սթերլինգ, հաղորդում է The Daily Telegraph-ը: 1901թ.-ին ստեղծված կտավը պահվել է անհատական հավաքածուում և չի ցուցադրվել մինչև 1989թ.-ը: Կտավին պատկերված են արևածաղիկներ, ինչը Վան Գոգի արվեստի կարևոր թեմաներից է: Արևածաղիկներ պատկերող նկարները Վան Գոգը սկսել է նկարել, երբ ինքն ու Գոգենը 1888թ.-ի ամռանը Արլում ապրում էին միասին: Сhristie’s աճուրդը, որտեղ վաճառվելու է նատյուրմորտը, տեղի կունենա փետրվարի 9-ին Լոնդոնում: Ըստ AFP աճուրդի տան ներկայացուցչի` 10 միլիոնը գնահատման բարձրագույն սահմանն է, սակայն կտավը կարող է շատ ավելի թանկ վաճառվել: Աճուրդին ցուցադրվելու է 78 գործ, որոնց ընդհանուր արժեքը կազմում է 108,7 մլն ֆունտ (169 մլն դոլար):
