Ռուսաստանի նախագահ Դմիտրի Մեդվեդևը և Իրանի նախագահ Մահմուդ Ահմադինեժադը երեկ հեռախոսազրույցի ընթացքում քննարկել են «Սիրիայի դրամատիկ իրավիճակը» և դեմ են արտահայտվել այդ երկրի ներքին գործերին օտարերկրյա միջամտությանը: Այս մասին հաղորդում է ITAR-TASS գործակալությունը` հղում կատարելով Կրեմլի պաշտոնական հաղորդագրությանը:
Զրույցի ժամանակ կողմերը խոսել են սիրիացիների կողմից գոյություն ունեցող ճգնաժամի արագ հաղթահարման անհրաժեշտության մասին բացառապես խաղաղ միջոցներով: Ահմադինեժադն ու Մեդվեդևը նշել են, որ անհրաժեշտ է դադարեցնել բռնությունները և առանց նախապայմանների սկսել կառուցողական երկխոսություն իշխանությունների և ընդդիմության միջև:
Հիշեցնենք նաև, որ երեկ Մեդվեդևը Սիրիայի հարցը քննարկել է Իրաքի վարչապետ Նուրի Մալիքիի և Սաուդյան Արաբիայի թագավոր Աբդալլահ Ալ-Ազիզ Ալ-Սաուդի հետ:
