ԱՄՆ գիտնականներն ասում են, որ եթե տիեզերագնացները ցանկանան այցելել վերջերս հայտնաբերված GJ1214b մոլորակը, ապա վայրէջք կկատարեն տաք ջրի մեջ:
Ըստ AFP-ի՝ աստրոֆիզիկայի Harvard-Smithsonian կենտրոնի գիտնականներն ասում են, որ իրենք բացահայտել են ամբողջովին տարբեր մի մոլորակ, որի վրա գերիշխում են ոչ թե ժայռերը, գազը կամ այլ հաճախ հանդիպող նյութեր, այլ ջուրը:
Նրանք ասում են, որ մոլորակը մի «ջրաշխարհ» է, և սա պարզվել է, երբ մոլորակն ուսումնասիրել են NASA–ի Hubble Space հեռադիտակով:
GJ1214b-ը հայտնաբերվել է 2009 թվականին, և այն 7 անգամ ավել կշիռ ունի, քան մեր Երկիր մոլորակը:
