Ինչպես հաղորդում է Reuters գործակալությունը, չինական Շանհայ քաղաքի նավահանգիստը դարձել է ամենամեծ կոնտեյներային նավահանգիստն աշխարհում:
Այս մասին քաղաքային իշխանությունները համապատասխան հայտարարություն են կատարել:
2010թ. Շանհայի նավահանգիստը սպասարկել է 29,05 մլն ՔՖՀ («քսանֆուտանոց համարժեք»` պայմանական միավոր կոնտեյներային փոխադրումների հաշվարկն իրականացնելու համար), իսկ մինչ այդ ամենամեծը համարվող Սինգապուրի նավահանգիստը կարողացել է սպասարկել 28,4 մլն ՔՖՀ:
Ըստ շանհայյան իշխանությունների` այս արդյունքը հնարավոր է եղել ապահովել Չինաստանի ապրանքաշրջանառության մեծացման, ինչպես նաև EXPO-2010-ի շնորհիվ, որը կայացավ այդ քաղաքում: