ИТАР-ТАСС-ի փոխանցմամբ՝ Աբխազիայի իշխանություններն ուսումնասիրում են նախագահ Ալեքսանդր Անկվաբի դեմ իրականացված մահափորձը և դեռ դրանում չեն գտել վրացական հետք: Այս մասին հայտարարել է Աբխազիայի նախագահի պաշտոնական ներկայացուցիչ Քրիստին Ժանիան.
«Ակնհայտ է, որ այդ հանցագործությունն ուղղված է եղել նախագահի դեմ: Դա առաջին մահափորձը չէր: Իմ հիշելով՝ դա թվով 6-րդն է: Սակայն մենք հակված չենք այդ մահափորձը վերագրել վրացական կողմին»:
Հիշեցնենք, որ սա 5-րդ մահափորձն էր Ալեքսանդր Անկվաբի դեմ, որը նախկինում վարել է Աբխազիայի վարչապետի 7 փոխնախագահի պաշտոնները: 2 մահափորձ իրականացվել է 2005 թվականին, իսկ մեկական մահափորձ՝ 2007 և 2010 թվականներին:
Անկվաբն Աբխազիայի նախագահ է ընտրվել 2011 թվականի օգոստոսի 26-ին՝ նախագահական ընտրությունների առաջին փուլում հավաքելով քվեների 54.86 տոկոսը (58,657 քվե):
