Երեկ երեկոյան Լոնդոնում տեղի է ունեցել Brit Awards ամենամյա երաժշտական մրցանակաբաշխությունը: Հանրահայտ երգչուհի Ադելը, ինչպես «Գրեմմի»-ի ժամանակ, այստեղ էլ ճանաչվել է լավագույններից լավագույնը: Նրա «21» անունը կրող ալբոմը դարձել է 2011թ. լավագույնը: Ադելը հաղթել է նաև «Լավագույն կին կատարող» անվանակարգում: Ընդհանուր առմամբ, բրիտանացի երգչուհին առաջադրված էր երեք անվանակարգերում:
Երկու մրցանակ է ստացել նաև Էդ Շիրանը` «Լավագույն տղամարդ կատարող» և «Առաջընթաց» անվանակարգերում: Լավագույն սինգլ է ճանարվել One Direction խմբի What Makes You Beautiful երգը, իսկ «Բրիտանական լավագույն խումբ» անվանակարգում հաղթել է Coldplay-ը:
Աչքի են ընկել նաև Բրունո Մարսը և Ռիհաննան, ովքեր ճանաչվել են լավագույն արտասահմանցի կատարողներ: Foo Fighters-ը լավագույնն էր «Միջազգային լավագույն խումբ», իսկ Լանու Դել Ռեյը` «Միջազգային լավագույն առաջընթաց» անվանակարգերում:
