Բժշկագիտական ուսումնասիրությունների համաձայն` համասեռամոլները երկրագնդի բնակչության 4 տոկոսն են կազմել: Այժմ այդ թիվը կրկնապատկվել է: Միասեռականների թվի աճի հետ կապված, այսօր տարբեր վարկածներ են պտտվում, սակայն գիտնականների մի խումբ վստահորեն պնդում է, որ մարդկության մեջ տարածվող այս այլասերությունները անմիջական կախում ունեն այժմյան սննդից` հորմոնացված ու գենետիկ մթերքից, որոնց բաղադրամասերը փոխանցվում են մարդուն` փոխելով նաև նրա հոգևոր ու բարոյական միջավայրը: Գիտությունն արդեն ապացուցել, որ խիստ աղտոտված շրջակա միջավայրում կենդանիները ևս կորցնում են իրենց սեռական ուղղվածությունը, օրինակ՝ եթե լիճը խիստ աղտոտված է, ձկներն ու գորտերը կորցնում են իրենց սեռական ուղղվածությունը, նրանց մոտ միասեռականություն է առաջանում: Իսկ ինչ վերաբերում է մարդուն` ուսումասիրությունները, էկոլոգ Կարինե Դանիելյանի տեղեկացմամբ, դեռ ընթացքի մեջ են, և, ցավոք, դրանց արդյունքները տեսանելի կլինեն հարյուրամյակների ընթացքում: Գենետիկները սկզբունքորեն անհնար են համարում, որ այսպես կոչված շարժուն գեները, որ առկա են ձևափոխված ապրանքների մեջ, տեղափոխվեն ու մուտք գործեն մարդու օրգանիզմ, սեռական օրգաններ և փոփոխություններ առաջացնեն ձվաբջջում, սակայն սրա հետ քչերն են համաձայն: «Հենց այստեղից էլ այն բոլոր աննորմալությունները, հատկապես միասեռականությունը, որ հիմա ակտիվորեն զարգանում են մարդկային պոպուլիացիայում»,- ասում է էկոլոգ Կարինե Դանիելյանը:
Հայաստանը դեռ 2001 թ. մայիսին միացել է Օրհուսի կոնվենցիային, որի պահանջներից է նաև շրջակա միջավայրի, միջավայրում աճեցված ու հասունացած սննդամթերքի վերաբերյալ սպառողի տեղեկացված լինելու իրավունքը: «Էկոտապան» ՀԿ տնօրեն Հրանտ Սարգսյանը համոզված է, որ և՛ տեսականորեն, և՛ գործնականում հայաստանյան սպառողական շուկայում գենետիկ սննդամթերքի վտանգի դեմ ոչ մի վերահսկողություն ու փորձաքննություն այսօր չի իրականացվում: Իսկ Հայաստանի օրենսդրական և սպառողական շուկայում այս առումով ամայություն է:
