Իրանական Press TV հեռուստաալիքի փոխանցմամբ՝ Պակիստանի նախագահ Ասիֆ Ալի Զարդարին Իրանին խոստացել է իր աջակցությունը, եթե Իրանը ենթարկվի ռազմական ագրեսիայի:
Նշվում է, որ Իսլամաբադում կայացած Պակիստանի, Աֆղանստանի ու Իրանի նախագահների հանդիպումից հետո կազմակերպված մամլո ասուլիսի ժամանակ Զարդարին ընդգծել է, որ Իսլամաբադը թույլ չի տա արտաքին ճնշումների արդյունքում Իրանի հետ սերտ կապերի թուլացում:
Պակիստանի նախագահը վստահեցրել է, որ որևէ օգնություն չի ցուցաբերի Վաշինգտոնին, եթե նա զինված հակամարտության մեջ մտնի Իրանի հետ:
Զարդարին կարևորել է նաև Իրանի հետ համատեղ գազատարի կառուցումը: Այն ունենալու է ավելի քան 900 կիլոմետր երկարություն և օրական 21.5 միլիոն խորանարդ մետր իրանական գազ կմատակարարի Պակիստանին:
