Միջազգային հանրության կողմից Սիրիայի նախագահ Բաշար Ալ-Ասադի հրաժարականի պահանջը կարող է հանցեցնել քաղաքացիական պատերազմի: Այսպիսի կարծիք է հայտնել ՌԴ արտգործնախարար Սերգեյ Լավրովը:
«Այսօր մենք կանգնած ենք պարզ հարցի առաջ. եթե միջազգային հանրության որոշ անդամներ Սիրիայում պահանջեն վարչակարգի փոփոխություն՝ որպես բանակցությունների համար նախապայման, ապա դա կլինի ճանապարհ դեպի լայնածավալ քաղաքացիական պատերազմ»,- հայտարարել է Լավրովը Վիեննայում անվտանգութան հարցերուվ ԵԱՀԿ կոնֆերանսից հետո:
«Եթե մենք ցանկանում ենք դադարեցնել արյունահեղությունը, ապա պետք է հրաժարվել նախապայմաներից և պահանջել առանց բացառության բոլոր կողմերին դադարեցնել բռնությունը և նստել բանակցությունների սեղանի շուրջ»,- ասել է նա:
Ինչպես հաղորդում է Эхо Москвы ռադիոկայանը, արտգործնախարարը նշել է, որ միջազգային հանրությունը մեծ ջանքեր է գործադրել՝ ընդդիմությանը համոզելու ոչ մի զիջումների չգնալ, և հենց դա է պատճառը, որ այժմ հենց արևմտյան դիվանագետները պետք է համոզեն նրան բանակցությունների սեղանի շուրջ նստել պաշտոնական Դամասկոսի հետ:
Այնուամենայնիվ, նախարարի կարծիքով՝ տվյալ պահին առավել արդյունավետ կլիներ շարունակել դիտորդական առաքելությունը Սիրիայում: Նրա խոսքերով՝ այժմ գլխավոր նպատակն է պարզել՝ ով է կանգնած Սիրիայի կանոնավոր բանակի դեմ զինված պայքար մղող գրոհայինների թիկունքում:
Հիշեցնենք, Սիրիայում մոտ մեկ տարի առաջ սկսված բախումները ընդդիմության և իրավապահ մարինների միջև աստիճանաբար ստանում են քաղաքացիական պատերազմի բնույթ: ՄԱԿ-ի տվյալների համաձայն՝ մինչ այժմ Սիրիայում զոհվել է 5400 խաղաղ բնակիչ և շուրջ 2000 զինծառայող:
