Սիսիան քաղաքի բնակիչներն անհանգստացած են և մթնելուց հետո գերադասում են տնից դուրս չգալ: Մարդիկ վախենում են գայլերի հարձակումներից, որոնք գրեթե ամեն գիշեր թափառում են քաղաքի փողոցներում և մտնում են տների բակեր: «Ռեգնում» գործակալության փոխանցմամբ՝ դրան չի խանգարում նաև այն հանգամանքը, որ Սիսիանի փողոցները գիշերները լավ լուսավորված են:
Գիշատիչների գլխավոր զոհը դարձել են փողոցային շները: Վերջին մի քանի օրերի ընթացքում դրանց պատճառով զոհվել է շուրջ մեկ տասնյակ կենդանի: Այդ ագրեսիվ պահվածքի պատճառը սառնամանիքն ու մինչև 2 մ խորությամբ ձյան ծածկոցն է: Նման պայմաններում գայլերը չեն կարողանում վայրի գազաններ որսալ և ստիպված են իջնել սարերից դեպի քաղաք, ուր նրանց քշում է սովը:
