Պաղեստինի ղեկավարությունն այսօր հայտնել է, որ աջակցում է «Համաս»–ի և «Ֆաթհ»–ի միջև կնքված միավորման համաձայնագրին, և կոչ է արել արագացնել ընտրությունների նախապատրաստությունները:
Հիշեցնենք, որ Պաղեստինի նախագահ և «Ֆաթհ»–ի առաջնորդ Մահմուդ Աբասը և «Համաս»–ի առաջնորդ Խալեդ Մաշալը երկուշաբթի օրը Դոհայում կնքել էին անցումային միացյալ կառավարություն ունենալու մասին համաձայնագիր: Կառավարությունը ղեկավարվելու է Աբասի կողմից:
AFP-ն գրում է, որ այսօր «Ֆաթհ»–ի կենտրոնական կոմիտեն իր ամբողջական աջակցությունն է առաջարկել Դոհայի համաձայնագրի արդյունքների համար։
Ղեկավարությունը նաև կոչ է արել Պաղեստինի ընտրական հանձնաժողովի պատասխանատուներին արագացնել ընտրողների գրանցումը և որոշել ընտրությունների հստակ օրը:
