Իրանական Fars News լրատվական գործակալության փոխանցմամբ՝ Իրանը մտադիր է այս ամիս ավելացնել ռեակտիվ շարժիչների համար նախատեսված վառելիքի արտահանումը: Այս մասին հայտարարել է Իրանի նավթի փոխնախարար Ալի Ռեզա Զեյգամին:
Վերջինիս խոսքերով՝ այդ նպատակով փետրվարին շահագործման է հանձնվելու Բենդեր-Աբաս նավահանգստից ձգվող 12,5 կիլոմետրանոց խողովակաշար, որն արդեն իսկ հաջողությամբ փորձարկվել է ռեակտիվ վառելանյութի փոխադրման համար:
Նշվում է, որ Իրանի մի շարք հարևան երկրներ և արևելա-ասիական պետություններ իրանական ռեակտիվ վառելիքը գնելու պատրաստակամություն են հայտնել:
