Ինչպես տեղեկացնում է 1news.az-ը, Իսրայելի պաշտպանության նախարար Էհուդ Բարակը Գերցլիի անվտանգության միջազգային կոնֆերանսում հայտարարել է. «Ներկայումս գոյություն ունի միջազգային մի տեսանկյուն` Իրանում միջուկային ծրագրի մշակումը դադարեցնելու առումով: Ու եթե այդ սանկցիաները չօգնեն, ապա անհրաժեշտ է դիտարկել ռազմական միջամտության տարբերակը»:
Նա նշել է նաև, որ շատ վերլուծաբանների կարծիքով՝ միջուկային Իրանին դիմակայելը ավելի դժվար ու շատ կյանքերի գնով կստացվի, քան, ասենք, կանխարգելիչ միջամտություն իրականացնելու դեպքում:
Կոնֆերանսում ելույթ է ունեցել նաև Իսրայելի վարչապետը, ում կարծիքով՝ «Իրանի ռազմական օբյեկտները շատ խոցելի են ռազմական հարվածների համար. կարելի է հաղթահարել մարդու ստեղծած բոլոր արգելքները»: Սակայն նա զգուշացրել է, որ Իրանի գիտնականներն ակտիվորեն մասնակցում են միջցամաքային հրթիռներ ստեղծելու գործին:
Նրա խոսքով՝ Իրանի ռազմաբազայում, որտեղ 2011-ի նոյեմբերին պայթյուն եղավ, մշակվում են 10 հազար կմ հեռահարության հրթիռներ` ԱՄՆ-ին հարված հասցնելու համար:
