«Սիրիայի ազատ բանակը» կիրակի երեկոյան կանխել է երկրի գործող նախագահ Բաշար Ալ-Ասադի ընտանիքի անդամների` երկրից դուրս գալու փորձը: Այս մասին հայտնում է Al-Masry Al-Youm-ը` վկայակոչելով «Սիրիայի ազատ բանակի» դաշտային հրամանատարներից մեկին:
Նախկին սպան, որը ցանկացել է անանուն մնալ, պատմել է, որ «կիրակի երեկոյան կառավարական ավտոշարասյունը փորձել է անցնել Դամասկոսի միջազգային օդանավակայան, սակայն «Սիրիայի ազատ բանակի» միավորումները կանխել են այդ փորձը»:
РИА Новости-ի փոխանցմամբ՝ աղբյուրն ասել է, որ ընդդիմության և նախագահական թիկնազորի միջև սկսվել է փոխհրաձգություն: Հատուկ նշանակության ջոկատին օգնության է շտապել ուղղաթիռ, որը օդից պաշտպանել է ավտոշարասյունը: Դրանից հետո մեքենանաները վերադարձել են Դամասկոս` Բաշար Ալ-Ասադի նստավայր:
«Սիրիայի ազատ բանակի» դաշտային հրամանատարը ենթադրում է, որ մեքենաների մեջ գտնվում էին Սիրիայի նախագահի կինը` երեխաների հետ, մայրը` Անիսա Մախլուֆը և Բաշարի մորեղբոր որդին` Ռամի Մախլուֆը` իր երեխաներով: Իշխանությունների կողմից այս միջադեպի կապակցության պաշտոնական մեկնաբանություններ դեռ չկա:
Ավելի վաղ հայտնվում էր, որ «Սիրիայի ազատ բանակը» կառավարական զորքերի հետ զինված ընդհարում է ունեցել Դամասոկսում, այդ թվում՝ նաև Դամասկոսի միջազգային օդանավակային մոտ:
