Նիգերիայի Կանո քաղաքում ահաբեկչությունից տուժած զոհերի թիվը հասել է 80-ի: Այս մասին հաղորդում է Agence France-Presse գործակալությունը: Գործակալության հաղորդմամբ՝ զոհվածների մեծ մասը գնդակահարված են, և չի բացառվում, որ այդ թիվը կմեծանա:
Տեղի բնակիչներից մեկի խոսքերով՝ սպանվածների թվում են 6 ոստիկաններ:
Կանո քաղաքում հունվարի 20-ին գրանցվեցին մի շարք պայթյուններ, որից հետո քաղաքում իսկական քաոս սկսվեց: Ինչպես հաղորդւմ է BBC News-ը, Կանոյում պարետային ժամ է հայտարարվել:
Պայթյունների համար պատասխանատվությունն իր վրա է վերցրել «Բոկո հարամ» իսլամական խմբավորումը: Վերջինիս հաղորդմամբ՝ ահաբեկչությունների պատճառն այն է, որ իշխանությունները մերժել են բանտից ազատել իրենց համախոհներին:
«Բոկո հարամ» իսլամական խմբավորումը Նիգերիայում ակտիվ գործունեություն է ծավալել 2011թ.-ից և պատասխանատու է մի շարք ահաբեկչական գործողությունների համար, որոնց արդյունքում զոհվել է ավելի քան 200 մարդ:
