Ինդոնեզիայի արևելքում կոկորդիլոսը հարձակվել է գետի մոտ խաղացող տասնամյա աղջկա վրա և կուլ տվել նրան: Ինչպես հաղորդում է Sydney Morning Herald թերթը, երեխան խաղալիս է եղել հոր հետ Ուեյլոլոնգ գետի ափին: Երբ նա մտել է ջուրը լողալու, անսպասելի հայտնվել է խոշոր կոկորդիլոս, որը մի ակնթարթում կուլ է տվել երեխային և թաքնվել ջրում:
«3 ժամ անց, հարձակման վայրից 200 մետր հեռավորության վրա հարազատները հայտնաբերել են երեխայի հագուստի մնացորդները»,- հայտնել է տեղական իշխանությունների ներկայացուցիչ Վիկտոր Մադո Ուետոնը:
Նրա խոսքերով, ծնողներն այժմ փորձում են գտնել մարմնի մնացորդները: