News Georgia-ի փոխանցմամբ՝ շաբաթվա վերջին 10 օրով Գերմանիա է մեկնելու Վրաց պատրիարք Իլյա 2-րդը։ Վերջինս այնտեղ անցնելու է հերթական բուժման կուրսը։
Նշվում է, որ 2008 թվականին Իլյա 2-րդը կորոնար շնչերակների վիրահատության էր ենթարկվել բեռլինյան կլինիկայում, և դրանից հետո քանիցս վերականգնողական կուրս է անցել Գերմանիայում և Չեխիայում։
Գերմանիա մեկնելուց առաջ՝ հունվարի 19-ին, Իլյա 2-րդը կատարելու է իր 21-րդ՝ զանգվածային մկրտման արարողությունը և դառնալու է ևս 560 երեխաների կնքահայր։
Հիշեցնենք, որ Իլյա 2-րդը Վրաց պատրիարքն է 1977 թվականի դեկտեմբերի 23-ից։ Իլյա 2-րդի նախաձեռնությամբ զանգվածային մկրտման առաջին արարողությունը կատարվել է 2008 թվականի հունվարի 19-ին: Նա արդեն իսկ մկրտել է ավելի քան 10,300 երեխայի։
