Լիբիայի հյուսիս-արևմուտքում հանգստյան օրերին մարտեր են ընթացել երկու զինված խմբավորումների միջև, որոնք առանցքային դեր են կատարել երկրի նախկին նախագահ Մուամար Քադաֆիի վարչակարգի տապալման ժամանակ:
Ինչպես հաղորդում է BBC-ն, հիմնական մարտերը տեղի են ունեցել Տրիպոլիի մայրաքաղաքից ոչ հեռու՝ Հարիան քաղաքում: Վերջինիս իշխանությունները հայտարարում են, որ Ասսաբիա քաղաքում զինված խմբավորումները շարունակում են հավարտարիմ մնալ Քադաֆիին, և որ անհրաժեշտ է զինաթափել նրանց, նույնիսկ եթե անհրաժեշտ լինի ուժ գործադրել:
Հանգստյան օրերին բախումների հետևանքով զոհվել է 2, վիրավորվել 40 մարդ:
Լիբիայի անցումային իշխանություններն առայժմ չեն կարողանում երկրում վերահսկել իրավիճակը և դադարեցնել զինված բախումները տարբեր խմբավորումների միջև: Վերջիններս հրաժարվում են հանձնել զենքերը, քանի որ չեն ճանաչում երկրի ներկա իշխանությունները:
