Պեկինում բարկացած ամբոխը սկսել է բղավել և Apple-ի խանութի վրա ձվեր նետել, քանի որ խանութն այսօր չի հասցրել բացվել ժամանակին` նոր iPhone 4S հեռախոսները վաճառելու համար:
Հարյուրավոր մարդիկ ամբողջ գիշեր չափազանց ցուրտ եղանակի պայմաններում սպասել էին խանութի բացմանը: Նրանցից ոմանք ասել են, թե սպասել են, քանի որ իրենց վճարել էին առևտրականները, որոնք հետագայում պետք է վերավաճառեին հեռախոսները:
Ամբոխի վրդովմունքը մեծացել է, երբ խանութը չի բացվել նշանակված ժամին: Ոմանք սկսել են ձվեր նետել և բղավել խանութի աշխատակիցների վրա:
Associated Press-ը հաղորդում է, որ ոստիկանությունը այնուհետև մաքրել է տարածքը, իսկ խանութի աշխատակիցները խանութի վրա ցուցանակ են կպցրել, որի վրա գրված է եղել, որ iPhone 4S-ը չի վաճառվում:
Պեկինում Apple ընկերության աշխատակիցները և ընկերության` Կալիֆոռնիայում գտնվող գլխավոր մասնաճյուղում հեռախոսազանգերին չեն պատասխանել:
