Թուրքական Cihan լրատվական գործակալության փոխանցմամբ՝ այսօր թուրքական ոստիկանությունը մի շարք գործողություններ է իրականացրել Ստամբուլի, Դիարբեքիրի և Շըրնաքի նահանգներում, որոնց արդյունքում ձերբակալել է 57 մարդու։ Ձերբակալվածներից 15-ը բաժին են ընկնում Ստամբուլին, 22-ը՝ Դիարբեքիրին, իսկ 20-ը՝ Շըրնաքին։
Նրանք մեղադրվում են «Քրդական համայքների միության» (KCK) հետ կապեր ունենալու մեջ, որը հանդիսանում է Թուրքիայում ահաբեկչական հռչակված ու արգելված Քրդստանի աշխատավորական կուսակցության (PKK) քաղաքացիական թևը։
Նշվում է, որ, ընդհանուր առմամբ, թուրքական ոստիկանությունը վերջին 48 ժամում ձերբակալել է 84 մարդու։
