Դատարանը ամերիկացի Փոլ Սելիյայից, որը հավակնություն էր ներկայացրել Facebook սոցցանցի 50 տոկոսի նկատմամբ և դատի էր տվել հիմնադիր Մարկ Ցուկերներգին, գանձել է 5 հազար դոլար՝ դատարանի հրահանգներ չկատարելու համար: Այս մասին հայտնում է РИА Новости-ն:
Հաղորդագրությունում նշվում է, որ վճիռը կայացվել է այն բանից հետո, երբ Սելիյան հրաժարվել է դատարանի պահանջով պատասխանողին ներկայացնել էլեկտրոնային փոստի անձնական հաշիվների մասին տեղեկությունները: Դատավորի կարծիքով՝ Սելիայի կողմից այս հրահանգը չկատարելը վկայում է դատարանի նկատմամբ բացահայտ անհարգալից վերաբերմունքի մասին. սրա հետ կապված՝ հայցվորին տուգանել են հինգ հազար դոլարով:
Սելիյան Ցուկերներգի նկատմամբ հայց է ներկայացրել 2010 թվականի հուլիսին` մեղադրելով նրան Facebook-ի բաժնեմասի անօրինական յուրացման և պայմանագրի կետերին չհետևելու մեջ: Հիմնավորված հայցում նա ապացույց է բերել պայմանագիրը, որը 2003 թվականին կնքել էր Ցուկերբերգի հետ:
Հայցվորը պահանջում է սոցցանցի 50 տոկոսը` գումարած մեկ տոկոս յուրաքանչյուր օրվա համար, որ հետաձգվում էր The Face Book կայքի թողարկումը: Պայմանագրի իսկությունը հաստատվելու և նրա պայմաններին հետևելու դեպքում Սելիյան կարող էր հավակնել Facebook-ի 84 տոկոսին: Սակայն հայցվորը 2004 թվականին չեղյալ էր հայտարարել պայմանագրի երկրորդ պայմանը` հավակնելով միայն սոցցանցի կեսին:
