Իրանական Mehr News լրատվական գործակալության փոխանցմամբ՝ ԱԷՄԳ-ում Իրանի ներկայացուցիչ Ալի Ասղար Սոլթանիեն հայտարարել է, որ Իրանի միջուկային գործունեությունը՝ ներառյալ Ֆորդոուի ստորերկրյա օբյեկտում ուրանի հարստացումը, գտնվում է ԱԷՄԳ-ի վերահսկողության տակ։
Դրանով իսկ նա հերքել է այն տեղեկատվությունը, թե Իրանն ուրանի հարստացման գործընթացը սկսել է առանց ԱԷՄԳ-ին իրազեկելու։ Սոլթանիեն ընդգծել է, որ Ֆորդոուի օբյեկտի գործունեությունը գտնվում է ԱԷՄԳ-ի քսանչորսժամյա վերահսկողության տակ։
Ավելի վաղ Իրանի ատոմային էներգիայի կազմակերպության ղեկավար Ֆերիդուն Աբասին հայտարարել էր, որ մինչև 20 տոկոս ուրանի հարստացման աշխատանքները կմեկնարկեն մոտ ժամանակներս։ Սակայն արևմտյան աղբյուրները պնդում են, թե այդ աշխատանքներն արդեն իսկ մեկնարկել են։