Louis Vuitton նորաձևության տունը պաշտոնապես հայտարարել է սեփական օծանելիքների արտադրություն սկսելու մասին: Այս մասին հայտնում է The International Business Times կայքը:
Լուրերն այն մասին, որ նորաձևության տունը պատրաստվում է ստեղծել սեփական օծանելիքները, տարածվել էին դեռևս 2011 թվականի հոկտեմբերին, սակայն պաշտոնական հաստատում ստացել են միայն հունվարի սկզբին:
Louis Viutton օծանելիքները մշակվել են հայտնի ֆրանսիացի պարֆյումեր Ժակ Կավալե-Բելտրյուի կողմից: Բելտրյուն ստեղծել է նաև օծանելիքներ Issey Miyake, Christian Dior և Jean Paul Gaultier նորաձևության տների համար:
Օծանելիքների անվանումը և թողարկման ստույգ ժամկետները չեն նշվում: Այն վաճառվելու է միայն Louis Viutton-ի ֆիրմային խանութներում:
Ֆրանսիաական Louis Vuitton նորաձևության տունը հիմնվել է 1854 թվականին: Ընկերությունը մասնագիտացված է հագուստների, պայուսակների և աքսեսուարների թողարկման մեջ: PopSop կայքի փոխանցմամբ՝ Louis Vuitton-ը 1920-1930-ական թվականներին մի քանի անգամ փորձել է թողարկել իր օծանելիքները, սակայն ավելի ուշ հրաժարվել է այդ մտքից:
