Պակիստանի հյուսիս-արևմուտքում տեղի ունեցած պայթյունի հետևանքով զոհվել է առնվազն 35, վիրավորվել՝ ավելի քան 60 մարդ:
Ինչպես հաղորդում է Agence France-Presse-ը, ահաբեկչությունը տեղի է ունեցել Ջամրուդ քաղաքի շուկայում. Այստեղով է անցնում Աֆղանստանում ամերիկյան զորքերի մատակարարումների հիմնական ճանապարհը:
Տեղի իշխանությունները սկսել են դեպքի հանգամանքների հետաքննությունը, սակայն առայժմ դժվարանում են նշել պայթյունի իրական պատճառը: Տարբերակներից մեկի համաձայն՝ պայթել է գետնի մեջ թաղված ականը:
Պակիստանի կենտրոանական իշխանությունները գործնականում չեն վերահսկում Աֆղանստանի սահմանակից այս շրջանը, որը բնակեցված է առանձին ցեղերով: Այստեղ «Թալիբան» շարժման զինյալները մշտապես հարձակումներ են գործում Աֆղանստանի դաշնակիցների զորքերի համար նախատեսված վառելիքատարների վրա: