Arieso հետազոտական ընկերության նոր ուսումնասիրության արդյունքում պարզվել է, որ Apple-ի Siri ծրագիրը կրկնապատկում է այն տեղեկատվությունը, որն օգտագործում են iPhone-ից օգտվողները:
Arieso-ն բացահայտել է, որ նոր iPhone 4S հեռախոսն օգտագործողներն օգտվում են երկու անգամ ավելի շատ տեղեկությունից, քան iPhone 4 հեռախոսն օգտագործողները:
Հետազոտությունն անցկացվել է միլիոնավոր եվրոպացիների շրջանում: Երկու հեռախոսների տարբերությունը Siri «ձայնային աջակից» նոր ծրագիրն է, որը ներկայացվել է Apple ընկերության կողմից, որպեսզի հեռախոսներից օգտվողներն իրենց հեռախոսների հետ խոսեն «բնական» ձևով: Օրինակ՝ եղանակի տեսության ծրագիրը բացելու փոխարեն, նոր հեռախոսից օգտվողները կարող են պարզապես հարցնել, թե ինչպիսին է եղանակը և ստանալ պատասխանը:
Սակայն հետազոտության արդյունքում պարզվել է, որ երբ iPhone օգտագործողներն օգտվում են վերոնշյալ ծրագրից, նրանց հեռախոսը միանում է համացանցին` այդ կերպ ամեն անգամ նոր տվյալներ օգտագործելով:
Մեծ Բրիտանիայում, օրինակ, 1 գբ ավել տեղեկատվության արժեքը կազմում է 10 ֆունտ սթեռլինգ: Daily Mail-ը գրում է, որ Ամերիկայում այս վիճակը կարող է ավելի վատ լինել, քանի որ եվրոպացիները չգիտեն ինչպես օգտագործել Siri-ի քարտեզի փնտրման ֆունկցիան, որն առայժմ գործում է միայն ԱՄՆ-ում:
