Լոնդոնի թանգարանում հայտնվել է յուրօրինակ ցուցանմուշ. հռոմեական բրոնզե ժետոն, որը թվագրվում է մեր թվարկության առաջին դարով: Այս ժետոնը հռոմեացիներն օգտագործել են հասարակաց տներում մուծում կատարելու համար: Այս մասին գրում է NEWSru Israel-ը:
Ժետոնը Թեմզայի ափին գտել է սիրողական հնագետ Ռեգիս Կուրսանը ու հանձնել թանգարանին:
Ժետոնի մի կողմի վրա պատկերված են կին և տղամարդ, իսկ մյուս կողմում XIIII, որը կարող է նշանակել սենյակ 14, կամ լեգեոնի համար, կամ հնարավոր է՝ մատուցված ծառայության դիմաց պահանջվող գումարի չափը:
Թանգարանի կուրատոր Քերոլայն Մաքդոնալդը նշում է, որ ժետոնն առեղծվածային է ու հետաքրքիր տեղեկություն է պարունակում այդ ժամանակաշրջանի Հռոմի մասին: