РБК-ի փոխանցմամբ՝ Իրանի արժույթը՝ ռիալը, պատմական անկում է ապրել, ինչը տեղի է ունեցել ԱՄՆ-ի կողմից Իրանի նկատմամբ սահմանված պատժամիջոցների ֆոնին։ Ներկայումս ամերիկյան 1 դոլարը փոխանակվում է 17,200 իրանական ռիալով։ Մինչդեռ մեկ ամիս առաջ այդ ցուցանիշը կազմում էր 10,500 ռիալ։
Իրանական արժույթ չգնելու հիմնական պատճառն այն է, որ այս տարվա հունվարի 1-ից ԱՄՆ-ն պատժամիջոցներ է սահմանել Իրանի Կենտրոնական բանկի (այդ թվում՝ նաև նրա հետ համագործակցող օտար ֆինանսական ինստիտուտների) նկատմամբ։ Չնայած դրան՝ Իրանի իշխանությունները ռիալի փոխարժեքի անկումը չեն պայմանավորում ամերիկյան պատժամիջոցներով, քանի որ համարում են, որ վերջիններիս ազդեցությունն իրեն զգալ կտա միայն ամիսներ անց։
Վերլուծաբանների կարծիքով՝ արժութային պատժամիջոցները կարող են խաթարել Իրանի գանձարանի համալրումը և իրենց ազդեցությամբ համեմատելի են նավթային բեռնարգելքի հետ։
