Մարտի 1-ի զոհերից Տիգրան Խաչատրյանի մայրը՝ Ալլա Հովհաննիսյանը, հույս չունի, որ գործող իշխանությունները կբացահայտեն Մարտի 1-ի սպանությունները, և կարծում է, որ մեղավորների վերջնական բացահայտում հնարավոր է բացառապես երկրում իրականացվող իշխանափոխության պարագայում: Այս մասին նա ասաց «Առաջին լրատվական»-ի հետ զրույցում:
«Սպանությունների օբյեկտիվ բացահայտում այս իշխանություններից չեմ սպասում, ինչպեսև չէի սպասում, որ մատիմեկյան իրադարձությունների վերաբերյալ վերջերս հրապարակված ցինիկ միջանկյալ զեկույց կներկայացվեր: Միաժամանակ, որքան էլ իշխանափոխությունն ինձ մշուշոտ է երևում, ես հույսս չեմ կորցնում և կարծում եմ, որ ժողովրդավարության ու արդար ընտրությունների անցկացման դեպքում գերխնդիր դարձած իշխանափոխության հարցը կլուծվի»,- նկատեց Ալլա Հովհաննիսյանը:
Ամփոփելով՝ նա տեղեկացրեց, որ Մարտի 1-ի զոհերի հարազատները Նոր տարվա տոներից հետո մտադիր են կրկին ակտիվորեն և հետևողական կերպով զբաղվել սպանությունների բացահայտմանն ուղղված իրենց գործունեությամբ: