Չեխիայի մայրաքաղաք Պրահան լինելու է Եվրոպայի ամենաթանկ քաղաքը զբոսաշրջիկների համար, որոնք որոշել են Նոր Տարին նշել այնտեղ:
Ինչպես հայտնում է РИА Новости-ն՝ հղում անելով չեխական ռադիոյին, 2012 թվականի ամանորյա գիշերը Պրահայի հյուրանոցների՝ երկու անձի համար նախատեսված համարն արժենալու է միջինը 361 եվրո, մինչդեռ դեկտեմբերին նման համարի գինը 98 եվրո էր:
Զբոսաշրջության բիզնեսի մասնագետները ընդգծում են, որ Պրահան դառնալու է ամենաանհասանելի քաղաքը 2012 թվականը նշելու համար:
Վերլուծաբանները համեմատել են 35 եվրոպական մայրաքաղաքների հյուրանոցների գները: Փարիզում ամանորյա գիշերը հյուրանոցի մեկ համարն արժե 239 եվրո, Վենետիկում, Էդինբուրգում և Ամստերդամում` 250 եվրոյից ոչ բարձր, իսկ Բարսելոնում` մոտ 200 եվրո: