News Georgia-ի փոխանցմամբ՝ Մառնեուլ քաղաքի (Արևելյան Վրաստան) 40-ամյա բնակիչ Էթիբար Էլչիևը, որը հայտնի է նաև «մարդ-մագնիս» անունով, պատրաստվում է այսօր սահմանել նոր համաշխարհային ռեկորդ։
Էլչիևը պատրաստվում է Մառնեուլում առանց ձեռքերի օգնության երեք րոպե շարունակ մարմնի վրա պահել 92 կիլոգրամ ծանրություն՝ ավտոմեքենայի 14 կիլոգրամանոց մաս, որի վրա նստելու է 78 կիլոգրամանոց մի տղամարդ։
Հիշեցնենք, որ Էլչիևը դեկտեմբերի 13-ին Թբիլիսիում իր բիոէներգետիկ կարողությունների շնորհիվ կարողացել էր համաշխարհային ռեկորդ սահմանել՝ մարմնի վրա պահելով 50 գդալ։ Բացի այդ, նրան հաջողվել էր մոտ կես րոպե մարմնի վրա պահել 106 կիլոգրամանոց բեռ՝ ավտոմեքենայի 14 կիլոգրամանոց մաս, որի վրա նստել էր 92 կիլոգրամանոց մի տղամարդ։
