Ադրբեջանական APA լրատվական գործակալության փոխանցմամբ, Իրանում մահապատժի է ենթարկվել 5 մարդ։ Մահապատժի ենթարկվածները մեղադրվում էին թմրանյութերի տարածման մեջ։
Մահապատժի մասին որոշումը կայացրել է Իրանի Գերագույն դատարանը։ Այն ի կատար է ածվել Շահրուդ քաղաքում։
Հիշեցնենք, որ այս տարվա դեկտեմբերի 15-ին Amnesty International միջազգային իրավապաշտպան կազմակերպությունը հրապարակել էր Իրանում թմրանյութերի տարածման կապակցությամբ սահմանվող և իրականացվող մահապատիժների վերաբերյալ զեկույց, որում նշված էր, որ այս տարի Իրանում մահապատժի է ենթարկվել 480, իսկ 2010 թվականին՝ 172 մարդ։
