News Georgia-ի փոխանցմամբ՝ 2011 թվականին Վրաստանում կրճատվել է ազգային ավիաընկերությունների թիվը։ Այս մասին այսօր Թբիլիսիում լրագրողների հետ զրույցում հայտարարել է Վրաստանի էկոնոմիկայի և կայուն զարգացման նախարար Վերա Կոբալիան։
Վերջինիս խոսքերով՝ ազգային ավիաընկերությունների քանակը 24-ից կրճատվել է 10-ի, ինչը պայմանավորված է անցկացրած ստուգումներով և միջազգային չափորոշիչներին նրանց չհամապատասխանելով: Կոբալիան հավելել է, որ մարդատար ինքնաթիռների քանակը 79-ից կրճատվել է 44-ի։
Քաղաքացիական ավիացիայի միջազգային կազմակերպությունը պահանջել է ստուգումներ անցկացնել նաև քաղաքացիական օդանավակայաններում, ավիացիոն ուսումնական վարժարաններում և ձեռնարկություններում։
