Ամերիկացի փորձագետները հայտնաբերել են 5000 զենիթային հրթիռ, որոնք եղել են լիբիական բանակի զինանոցում Լիբիայի առաջնորդ Մուամար Քադաֆիի ղեկավարման ժամանակահատվածում: Ինչպես հաղորդում է Reuters գործակալությունը, այդ մասին հայտնել է ԱՄՆ Պետդեպարտամենտի ներկայացուցիչ Մարկ Թոները:
Նրա խոսքերով, «նման հրթիռների մեծ մասն այս տարի ոչնչացվել է ՆԱՏՕ-ի օդային հարձակումների օգնությամբ»:
Հիշեցնենք, որ ականախույզների մի խումբ, որի կազմում են ամերիկացի և լիբիացի մասնագետներ, վերջին ամիսների ընթացքում զբաղվում է հրթիռների որոնումներով և չեզոքացմամբ, որոնք պոտենցիալ վտանգ են ներկայացնում քաղաքացիական ավիացիայի համար:
