ՀՀ Կենտրոնական բանկում ամփոփվել են ԿԲ առաջին նախագահ Իսահակ Իսահակյանի անվան կրթաթոշակների հերթական մրցույթի արդյունքները: Մրցույթին մասնակցել են Երևանի պետական համալսարանի, Հայաստանի պետական տնտեսագիտական համալսարանի, Արցախի պետական համալսարանի 9 ուսանողներ:
Կրթաթոշակի հավակնորդների ելույթներից հետո ԿԲ խորհուրդն ամսական 50 հազ. դրամ գումարի չափով 6 ամիս ժամկետով Իսահակ Իսահակյանի անվան կրթաթոշակ սահմանեց 3 ուսանողուհիների համար (Սվետլանա Ղլիջյան` Հայաստանի պետական տնտեսագիտական համալսարան, Ֆլորա Սողոյան՝ Երևանի պետական համալսարան, Լիլիթ Սարգսյան` Արցախի պետական համալսարան):
ԿԲ հասարակայնության հետ կապերի ծառայությունից «Առաջին լրատվական»-ին հայտնեցին, որ Իսահակ Իսահակյանի անվան կրթաթոշակների մրցույթն անցկացվում է 2003 թվից սկսած: Այս ընթացքում կրթաթոշակ են ստացել մոտ 40 ուսանողներ: