Հյուսիսային Կորեայի նոր երիտասարդ առաջնորդ Կիմ Չեն Ունը հոր մահից հետո պատրաստվում է կիսել իշխանությունը հորեղբոր և բանակի հետ: Այս մասին հաղորդում է Reuters գործակալությունը՝ վկայակոչելով Փխենյանի և Պեկինի հետ սերտ կապեր ունեցող աղբյուրին:
Գործակալությունը հայտնում է, որ երկրի միջուկային հզորությունը զարգացնել փորձող զինվորականները հնազանդություն են հայտնել Կիմ Չեն Ունին:
«Զինվորականները Կիմ Չեն Ունին հնազանդության երդում են տվել: Դա շատ անհավանական է»,- ասել է աղբյուրը՝ պատասխանելով հարցին՝ արդյոք երկրում հնարավո՞ր է ռազմական հեղաշրջում:
2010 թ. սեպտեմբերին Կիմ Չեն Ունը անդամագրվել է իշխող «Կորեայի աշխատանքային կուսակցության» կենտրոնական կոմիտեին և նշանակվել կենտրոնական ռազմական հանձնաժողովի փոխնախագահի պաշտոնում՝ ստանալով գեներալի կոչում:
