«Մոսկվա» կինոթատրոնի կապույտ դահլիճում ցուցադրվում է «Դուռը բաց» անվանումով նոր կատակերգությունը:
Ֆիլմի պրեմիերան տեղի է ունեցել դեկտեմբերի 17-ին` նույն կինոթատրոնում։ Նկարահանումները տևել են 4 ամիս:
Ֆիլմի ռեժիսորը, սցենարի հեղինակը և գլխավոր պրոդյուսերն Ավագ Ավագյանն է, բեմադրող օպերատորն Արտավազդ Խաչատուրյանն է, պրոդյուսերը՝ Հրաչյա Շմավոնյանը:
Գլխավոր դերակատարներն են` Հովհաննես Ազոյանն (Հովոն) ու Արսեն Գրիգորյանը:
«Դուռը բաց» ֆիլմում նկարահանվել են նաև Ալեքսանդր Սեմչևը, Բադուր Ծուլաձեն, Ալյոնա Գոնորը, Յուլյա Մարինիչը, Մարթա Բադիկյանը, Իգոր Կլիմկոն: Ֆիլմում հանդիսատեսը կտեսնի նաև Հովոյի կնոջը` Մերիին:
Ֆիլմի համար նկարահանումներ են կատարվել նաև ադրբեջանական մի ընտանիքում, էպիզոդներում խաղում են նաև նրանք:
Կատակերգության սյուժեն հետևյալն է՝ Վրաստան մեկնած ընկերները հայտնվում են մի պատմության մեջ, որի գործողությունների ժամանակ երևում են կովկասյան ժողովրդի բնավորության գծերն ու ավանդույթները։
