Բրիտանական The Financial Times թերթը կազմել է անցնող տարվա ամենաշատ օգտագործած արտահայտությունների ցուցակը.
1. «Արաբական գարուն». Թերթը այս արտահայտությունն անվանում է «հիանալի ֆենոմեն»՝ նշելով, որ եթե Ռուսաստանում կա համապատասխան շարժում, այն կկոչվի «ռուսական գարուն»: Հիշեցնենք, որ 2011թ. սկզբին արաբական մի շարք երկրներում սկսված հեղափոխական շարժումները Թունիսում, Եգիպտոսում, Լիբիայում և Եմենում հանգեցրին իշխանափոխության:
2. «Ճնշված միջին». Այս արտահայտությունը, որով բնորոշվում է միջին եկամուտ ունեցող մարդկանց խումբը, արվել է բրիտանացի լեյբորիստ Էդ Միլիբենդի կողմից:
3. «Կորսված տասնամյակ». Այս արտահայտությունը, որն օգտագործվել է Լատինական Ամերիկայում 1980-ականներին և Ճապոնիայում 1990-ականներին, այժմ սկսել են օգտագործել զարգացած երկրների համար:
4. «Կորսված սերունդ». ամերիկացի գրող Գերտրուդ Ստայնի այս արտահայտությունը բնորոշում է գործազրկությամբ տառապող երիտասարդներին:
5. «Հեռախոսային ցանցահենություն». Սարսափելի հասկացություն, որով բնորոշվում է բջջային հեռախոսների նկատմամբ ցանցահենությունը:
6. «Գրավեք». 1960-70-ականների ուսանողական շարժումը, որն այժմ վերաձևակերպվել է «Գրավեք Ուոլ Սթրիթը» շարժման:
7. «Հաքտիվիզմ». այս բառով բնորոշվում է համակարգչային ցանցերի օգտագործումը քաղաքական նպատակներով:
8. «Մեծ բազուկա». Մեծ Բրիտանիայի վարչապետ Դևիդ Քեմերոնը կոչ է արել եվրոգոտու ճգնաժամի հաղթահարման հմար օգտագործել «մեծ բազուկա»:
9. «Ֆրեքինգ» (Fracking). հիդրավլիկ խզվածքներ, որոնք օգտագործվում են նավթի և գազի արդյունահանման համար. ոմանք կարծում են, որ դրանք ամբողջ աշխարհում հանգեցնում են երկրաշարժերի:
10. «Բունգա-բունգա». «Այս բառի նշանակությունը նույնքան վիճելի է, որքան այն մարդու բարոյականությունը՝ Իտալիայի վարչապետ Սիլվիո Բեռլուսկոնիի, որի երեկույթները այդ բառը բնորոշում է»,- գրում է պարբերականը:
