«Խոսքի իրավունք» միավորումը տարածել է մամլո հաղորդագրություն, որում ասվում է.
«Երեկ «Առաջին լրատվական»–ի հետ զրույցում երգչուհի Արմինկան ասաց, որ, որպես քաղաքացի` ինքը գոհ չէ մեր երկրի ընդհանուր վիճակից: Մենք արժանի ենք շատ ավելի լավին, քան հիմա ապրում ենք»:
Ինչ վերաբերում է մեր երկրում խոսքի ազատության սահմանափակումներին, ապա երգչուհին շատ ուղիղ ասաց. «Մեր երկրում խոսքի ազատություն չկա»:
«Խոսքի իրավունք» միավորման անդամները կիսում են երգչուհու մտահոգությունը` նկատելով, որ էստրադային ժանրի ներկայացուցիչները հազվադեպ են հանդես գալիս նման հայտարարություններով և խուսափում են լրագրողների կտրուկ հարցադրումներից:
Հիշեցնենք, որ 2011 հոկտեմբերի 14-ին հերթական միջադեպից հետո «Խոսքի իրավունք» միավորումը խստիվ դատապարտեց են Հայոց բանակում տեղի ունեցող ողբերգական դեպքերը: «Առաջին լրատվական»–ը տարածեց մեր միավորման «Լռելն աններելի է» վերնագրով հայտարարությունը: Այդ հայտարարության մեջ մենք առաջարկում էնք Հայաստանի բոլոր մտավորականներին`անկախ քաղաքական հայացքներից, իրար հետ ունեցած հարաբերություններից, գործունեության ոլորտից կազմել բաց նամակի մի տեքստ, ուր հնարավորինս կտրուկ և սուր կքննադատվի բանակում տեղի ունեցածը: «Ստորագրողների թվում պետք է լինեն նաև ՄԻՊ գրասենյակի, Հանրային խորհրդի, ՊՆ հասարակական խորհրդի և այլ կառույցների ներկայացուցիչներ: Այդ նախաձեռնությունը պետք է միավորի բազմաժանր արվեստագետների և շոու-բիզնեսի «աստղերի»: Կարևոր է նաև այն երիտասարդների խոսքը, ովքեր ասում էին «Հայաստանը մենք ենք»: Նախաձեռնությունը ավելի մեծ կշիռ կտա նրանց խոսքերին և կամրագրի նրանց տեղը մտավորականության շարքերում: Դա չպետք է լինի կոչ կամ պահանջ: Ավագ և կրտսեր այդ քաղաքացիները պետք է գրեն կոշտ: Նրանք պետք է վերջնագիր ներկայացնեն իշխանություններին: Այս դեպքում լռելը աններելի է: Անտարբերությունը ամենամեծ չարիքն է, որը շղթայով ծնում է նորանոր հանցանքներ»,- ասված էր մեր հաղորդագրությունում:
Արմինկային, որպես սոցիալական պատասխանատվություն կրող անձի, «Խոսքի իրավունք» միավորումն առաջարկում է տարածել մեր կոչը գոնե իր կոլեգաների շրջանում:
Խոսքի իրավունք միավորում»։
