Թուրքական Anadolu գործակալության փոխանցմամբ, Թուրքիայի նախագահ Աբդուլլահ Գյուլը Ղազախստանի անկախության 20-ամյակի կապակցությամբ հարցազրույց է տվել Ղազախստանում հեռարձակվող «Հաբար» հեռուստաալիքին։
Հարցազրույցի ժամանակ Գյուլը Նազարբաևին անվանել է «թյուրքական աշխարհի աքսաքալ» (առաջնորդ, բառացի՝ սպիտակամորուս)՝ ընդգծելով, որ նա անկախության 20 տարիներին շատ բան է արել Ղազախստանի զարգացման համար։
Գյուլն ընդգծել է, որ Ղազախստանը Թուրքիայի համար կարևոր և եղբայրական երկիր է։ Գյուլը հիշեցրել է, որ ժամանակին հենց Թուրքիան է առաջինը ճանաչել Ղազախստանի անկախությունը։
Գյուլը մեծապես կարևորել է թուրք-ղազախական ջերմ հարաբերություններում Նազարբաևի ունեցած դերը։
Հիշեցնենք, որ Անկարայում կայացած «Թյուրքալեզու երկրների անկախության 20-ամյակը» խորագրով միջազգային կոնֆերանսի ժամանակ Գյուլը հայտարարել էր, որ Թուրքիան, Ադրբեջանը, Ղազախստանը, Թուրքմենստանը, Ղրղզստանը և Ուզբեկստանը մեկ ազգ են, 6 պետություն։
