Միլիարդավոր դոլարներ ծախսելուց և գրեթե 9 ամիս տևած դասընթացներից հետո ամերիկյան զորքերը հեռանում են Իրաքից` թողնելով երկրի պաշտպանությունն իրաքցի զինվորներին, որոնք ի վիճակի են ապահովել ներքին անվտանգությունը, բայց պատրաստ չեն պայքարել արտաքին վտանգների դեմ, հատկապես Մերձավոր Արևելքում այժմ աճող լարվածության և անհանգստությունների պայմաններում:
«ԱՄՆ-ի համար Իրաքի ռազմական և ոստիկանական ուժերը վերականգնելը դարձել էր հիմնական նպատակ այն ժամանակից ի վեր, ինչ նրանք 2003 թ. պարտության մատնեցին Սադամ Հուսեյնի զորքերին։ Այժմ երբ Ամերիկայի դերն Իրաքում ավարտվում է, նպատակը հազիվ թե կարելի է ավարտված համարել»,– հաղորդում է Associated Press-ը:
Իրաքի ռազմական ուժերի կազմում կա 700.000 զինվոր, և նրանք 2009 թ. մեծապես պատասխանատու էին Բաղդադի և այլ քաղաքների պաշտպանության համար:
Ավելի քան 10.000 զինվոր և ոստիկանության աշխատակից է սպանվել Իրաքում այն բանից ի վեր, ինչ կազմվել է նոր բանակ։ Այս թիվը երկու անգամ ավելի շատ է, քան ամերիկացի զինվորների մահացության թիվը:
