Թմրանյութ պահելու կասկածանքով երեկ ձերբակալվել է էջմիածնի քաղաքապետարանի բնակկոմունալ բաժնի աշխատակից Նորիկ Միրզախանյանը:
«ժողովուրդ»-ի տեղեկություններով՝ ոստիկանությունը նրա մոտ հայտնաբերել է մոտ 7 գրամ հաշիշանման զանգված:
«Ի դեպ, ըստ մեր տեղեկությունների՝ այս անգամ ձերբակալվածը ԲՀԿ-ական չէ: Երեկ, երբ մեկնաբանությունների կապակցությամբ զանգահարեցինք Էջմիածնի քաղաքապետ Կարեն Գրիգորյանին, վերջինս, լսելով հարցը, զայրացավ: Ու պատրվակ բռնելով ոչ աշխատանքային ժամը (նրան զանգահարել էինք 20:45)՝ հրաժարվեց պարզաբանումներ տալ: «Որ լրագրողներին դատի են տալիս, դժգոհում եք, էթիկա պետք է ունենալ, ոչ աշխատանքային ժամին չզանգահարել»-ասաց նա ու դրեց լսափողը:
Մինչդեռ ողջ աշխարհում ընդունված կարգ է, որ չինովնիկը լրագրողին պետք է հասանելի լինի 24 ժամ: Իսկ թե ինչու էր թմրամոլի ձերբակալությունն այդքան բարկացրել գեներալ Մանվելի որդի Կարեն Գրիգորյանին, մնում է ենթադրել:
«Ժողովուրդ»-ի աղբյուրներից պարզեցինք, որ Նորիկ Միրզախանյւսնը, որը հայտնի է Կարտոլ Նորո մականունով, գեներալ Մանվելի հարևանն է, համ էլ սանիկը»,- հավելում է թերթը:
