Սոցիալական ցանցերի ռուս օգտատերերը կոչ են անում այս շաբաթ օրը համառուսական ակցիա կազմակերպել՝ Պետդումայի ընտրությունների արդյունքների կեղծումների դեմ:
Ինչպես հաղորդում է gazeta.ru-ն, Facebook սոցիալական ցանցում հաջողվել է հավաքել ավելի քան 4000 մասնակից: Շուրջ 2000 մարդ գրանցվել է ВКонтакте սոցցանցի համանման խմբում:
Մոսկվայում խումբը կոչվում է «Շաբաթը Հեղափոխության հրապարակում»:
Հիշեցնենք, որ երեկ Տրիումֆալնի հրապարակում ցրվեց վարչապետ Վլադիմիր Պուտինի հակառակորդների բողոքի ակցիան, որի ընթացքում ձերբակալվեց ավելի քան 300 մարդ: Դրանից հետո հայտնի դարձավ, որ ընդդիմությունը պատրաստվում է շաբաթ օրը ցույց անցկացնել Մոսկվայի Հեղափոխության հրապարակում:
Տեղեկություններ կան, որ զանգվածային ցույցեր են նախատեսվում նաև Ռուսաստանի այլ քաղաքներում:
