ԱԺ նախագահի ընտրությունից հետո «Առաջին լրատվականը» փորձեց պարզել, թե ինչպես է քվեարկել ընդդիմադիր համարվող ֆրակցիան: Խմբակցության աշխատասենյակում հանդիպեցինք Արա Նռանյանին և հարցրինք, թե ինչպես է ֆրակցիան քվեարկել, սակայն նա խորհուրդ տվեց այդ հարցը տալ Արմեն Ռուստամյանին կամ Արտյուշա Շահբազյանին: Մեր հարցին՝ գոնե կարո՞ղ ենք իմանալ, թե ինչպե՞ս է քվեարկել ինքը` Նռանյանը, վերջինս պատասխանեց, թե այդ հարցով նույնպես դիմենք Արմեն Ռուստամյանին կամ Արտյուշա Շահբազյանին:
«Առաջին լրատվական»-ը քիչ առաջ Արտյուշա Շահբազյանին հարցրեց, թե ինչպե՞ս են քվեարկել: Նա հակադարձեց. «Քվերակությունը գաղտնի՞ չէ…»: Հարցին, թե ինչո՞ւ չեն ընտրել «Ժառագության» թեկնածու Լարիսա Ալավերդյանին, նա արձագանքեց. «Բայց իրենք նման խնդիր ունեին: Քանի՞ հոգի էր նրանց ձայն տվել, քանի հոգուց է բաղկացած նրանց ֆրակցիան»:
«Առաջին լրատվական»-ի հարցին` այսինքն, ընդդիմադիր ֆրակցիա լինելով, Դաշնակցությունը իշխող Հանրապետականի թեկնածու Սամվել Նիկոյանի օգտի՞ն է քվեարկել, Արտյուշա Շահբազյանը պատասխանեց. «Եղել է ազատ քվեարկություն, չեմ բացառում, որ մերոնցից նաև կողմ են քվեարկել»:
