PETA կազմակերպությունը («Կենդանիների նկատմամբ բարոյական վերաբերմունքի մարդիկ») նոյեմբերի 29-ին թողարկել է փոստային նամականիշերի տոնական հավաքածու`20 հայտնի բուսակերների նկարներով: Այս մասին հայտնվում է կազմակերպության պաշտոնական կայքում:
«Բուսակերներ» մակագրությամբ նամականիշերի վրա պատկերված են Փոլ Մաքքարթնին, Բրայան Ադամսը, Նաթալի Փորթմանը, Պամելա Անդերսոնը, Լեոնարդո դա Վինչին, Լև Տոլստոյը և այլք: Նամականիշերի հավաքածուի ստեղծման գաղափարն այն է, որ նույնիսկ բուսակեր լինելով հնարավոր է կյանքում ամեն ինչի հասնել:
Նամականիշերի վրա գրված են հայտնի բուսակերների մտքերը: PETA-ն մեջբերում է Լև Տոլստոյին, որն ասել է. «Մարդը կարող է առողջ լինել նունիսկ սննդի համար կենդանիներ չսպանելով», կամ Նաթալի Փորթմանին, որը հայտարարել է, որ «օրական երեք անգամ սնվելը սեփական համոզմունքների ցուցադրում է»:
Նամականիշեր կարելի է պատվիրել PETA-ի կայքում: Այն արժե 20 դոլար: Կազմակերպությունը մտադիր է նամականիշերը վաճառել հունվար և փետրվար ամիսներին:
