Վերջերս մամուլում տեղեկություններ են շրջանառվում, որ ԲՀԿ նախագահ Գագիկ Ծառուկյանին Սերժ Սարգսյանը հրահանգել է` մինչև հունվար վերջնականապես կողմնորոշվել` կա՛մ հայտարարում են 2013թ. իրեն սատարելու մասին, կա՛մ «ճամպրուկները հավաքել» և դուրս գալ կոալիցիայից: «Ես արդեն անդրադարձել եմ այդ հարցին, կրկնեմ` որքան տեղյակ եմ, վերջերս Հայաստան մեծ քանակությամբ հակահալյուցինոգեններ են ներկրվել, որոնք զգալիորեն բարելավում են տարբեր հալյուցինացիաներով տառապողների հոգեկան վիճակը: Մենք պատրաստ ենք մեր միջոցներով տվյալ դեղորայքի որոշակի քանակ անվճար տրամադրել նման հալյուցինացիաներով տառապողներին և նրանց պատվիրատուներին: Ուզում ենք հուսալ, որ մեր մարդասիրական քայլը կթեթևացնի նրանց հոգեկան ծանր վիճակը, որովհետև ԲՀԿ-ի համար թանկ է ՀՀ յուրաքանչյուր քաղաքացու հոգեկան առողջությունը»,- հայտարարեց տիկին Զոհրաբյանը` շեշտելով, որ իրենց հայտնի է, թե ովքեր են կանգնած «նման կարգի խզբզանքների» թիկունքում, և այդ պատվիրատուների ականջները հնարավոր չէ որևէ կերպ թաքցնել: Թե ովքեր են պատվիրատուները, տիկին Զոհրաբյանը չասաց. «No comment»:
