Գագիկ Ծառուկյանի մամուլի խոսնակ Խաչիկ Գալստյանին խնդրեցինք մեկնաբանել լուրերը, որ Սերժ Սարգսյանը ԲՀԿ նախագահին մինչև հունվար ժամանակ է տվել` վերջնականապես կա՛մ հայտարարելու, որ սատարում են իրեն, կա՛մ դուրս գալու կոալիցիայից: Խաչիկ Գալստյանը, սակայն, հերքեց այդ լուրերը և հավելեց, որ իրենք բազմիցս ասել են` միայն ԱԺ ընտրություններից հետո կորոշեն` առանձին թեկնածուո՞վ հանդես կգան, թե՞ կսատարեն որևէ մեկին:
Մեր հարցին, թե մտավախություն չունե՞ք, որ այս քաղաքական վարքագիծն առաջ տանելով և մինչև ԱԺ ընտրությունների ավարտը նախագահի ընտրությունների մասին չխոսելով` կհարուցեք կոալիցիոն գործընկերոջ զայրույթը, Գալստյանը կարճ պատասխանեց. «Ոչ, չեմ կարծում… մենք ասել ենք, որ խորհրդարանական ընտրություններից հետո միայն կանդրադառնանք այդ հարցին»: