Կիրակի կեսօրից հետո արտասահմանյան զանգվածային լրատվամիջոցները հայտնել էին, որ 48-ամյա Դեմի Մուրը, որն ամուսնալուծվում է ամուսնուց` 33-ամյա Էշթոն Քատչերից, մտադիր է դաժանաբար պատժել դավաճանության համար` նրանից վերցնելով ունեցվածքի մեծ մասը:
Ինչպես հայտնում է The Mail on Sunday-ն, Մուրն ասել է, որ 2005 թվականից Քատչերի հետ աշխատած գումարի մեծ մասը ձեռք է բերվել իր օգնությամբ:
Անցած շաբաթ տեղեկություններ տարածվեցին, որ դերասանուհին գտնվում է Հավայան կղզիներում, որտեղ «բուժում է հոգուն հասցված վերքերը»: Ավելի վաղ հայտնվել էր, որ Մուրն իր փաստաբանի հետ քննարկում է ունեցվածքի բաժանման հարցերը, որը գնահատվում է 97 միլիոն դոլար:
Հիշեցնենք, որ նրանք ամուսնացել են 2005 թվականի սեպտեմբերին: Աստղային ընտանիքում սկանդալը հասունացել էր երկու ամիսների ընթացքում, երբ հայտնի էր դարձել, որ Էշթոնը կնոջը դավաճանել է 22-ամյա մոդել Սառա Լիլի հետ. ընդ որում՝ իր և Դեմիի ամուսնության տարելիցի օրը: Սառան ավելի ուշ հարցազրույց էր տվել, որտեղ պատմել էր դեպքի մանրամասները:
