Android 4.0 օպերացիոն համակարգի հիմա վրա աշխատող Galaxy Nexus սմարթֆոնների օգտատերերը բողոքում են Flash Player plug-in-ի բացակայությունից:
Ինչպես հայտնում է SlashGear տեխնոբլոգը, օգտատերերը նշել են, որ plug-in-ը նախատեսված չէ սարքի հիշողության մեջ: Այն նույնիսկ անհնար է ներբեռնել Android Market խանութից կամ Adobe ընկերության կայքից:
Google ընկերության ներկայացուցիչները նշել են, որ Android 4.0-ի համար Flash Player plug-in-ը, որը հայտնի է նաև Ice Cream Sandwich անունով, դեռ չի թողարկվել: Ընդ որում` Adobe plug-in-ի մշակողը նոյեմբերին հայտարարել էր, որ հրաժարվում է Flash Player բջջային տարբերակների մշակումից: Ընկերությունը այս որոշումը հիմնավորել է այն փաստով, որ HTML5 ստանդարտը ավելի հարմար է բջջային դիտարկիչներում մուլտիմեդիա ցուցադրելու համար: Adobe-ն ընդգծել է, որ չի թողարկելու Flash Player տարբերակը նոր բջջային օպերացիոն համակարգերի, դիտարկիչների կամ այլ պլատֆորմների համար:
Galaxy Nexus սմարթֆոնը Ice Cream Sandwich-ի հիմքի վրա առաջին սարքավորումն էր, որ թողարկվել է հոկտեմբերի երկրորդ կեսին: Առաջին երկիրը, որտեղ սմաթֆոնները վաճառքի են հանվել, Մեծ Բրիտանիան է:
