Ադրբեջանական APA լրատվական գործակալության փոխանցմամբ՝ Ադրբեջանի պաշտպանության նախարար, գեներալ գնդապետ Սաֆար Աբիևն այսօր ընդունել է Ադրբեջան այցելած ԱՄՆ ռազմածովային ուժերի քարտուղար Ռեյ Մաբուսին։ Այս մասին հայտարարել է պաշտպանության նախարարության մամլո ծառայությունը։
Հանդիպման ժամանակ Մաբուսը հայտարարել է, որ իր այս այցը վկայում է այն մասին, թե ԱՄՆ-ը որքան մեծ կարևորություն է տալիս Ադրբեջանին։ Հանդիպման ընթացքում կողմերը կարծիքներ են փոխանակել տարածաշրջանում տիրող իրավիճակի, այդ թվում՝ նաև Ղարաբաղյան հակամարտության մասին։